غيـــــــH90Hـــــــــر
المساهمات : 41
تاريخ التسجيل : 10/02/2011
العمر : 33
الموقع : الكره الارضيه
 |  موضوع: UAE }} أبوظبي {{ عالم فيراري }}  الجمعة مارس 18, 2011 12:25 am | |
| بو ظبي بسم الله الرحمــــــــــــــــــن الرحيم
طبعاً كلكم دريتوا عن >> عــــــــــــــــالم فيراي اللي بأبو ظبــــــــــــي <<
عاااااد جبت لكم شوية معلومات عنه عشان تروحون
هذا هو من الخارج ....
هااااااااا
عجبكم ؟؟
خلاص
يلا نروح
طبعاً ....
بعد ماتقررون تروحوون لازم تعرفون أسعار التذاكر وهـــــــي ,,,
تتوفر تذاكر عالم فيراري أبوظبي عند المدخل الرئيسي للمدينة، كما سيتم إطلاق خدمة بيع التذاكر عبر الإنترنت قريباً.
تعتمد أسعار التذاكر على الطول، حيث تطبق أسعار التذاكر الشاملة على الزوار الذين يفوق طولهم
150 سنتيمتراً، وأسعار التذاكر الشاملة للأطفال على من يقل طولهم عن 150 سنتيمتراً.
يتم إدخال الأطفال دون سن الثالثة مجاناً.
>>> يعني اللي عندهم اطفال صغار روحوا قبل لايكبرون ,,,
وبما انو محل كبير وحرجه وعالمي
 التذاكر أنواع وأسعار غير ,,,
مو نفس الشراع دفعي عشره ودرعمي ,,,
وهذي أنواعها ,,
*تذكرة الدخول الشاملة:: وسعرها ((225 درهم))
تتيح هذه التذكرة الاستخدام غير المحدود للألعاب والمرافق الترفيهية في مدينة عالم فيراري
أبوظبي. >>التذكرة صالحة للدخول إلى المدينة مرّة واحدة خلال فترة ستة أشهر من تاريخ الشراء.
**تذكرة الدخول الشاملة للأطفال::وسعرها ((165 درهم))
تتيح هذه التذكرة الاستخدام غير المحدود للألعاب والمرافق الترفيهية في مدينة عالم فيراري
أبوظبي.>> التذكرة صالحة للدخول إلى المدينة مرّة واحدة خلال فترة ستة أشهر من تاريخ الشراء.
تذكرة الدخول الممتازة:: ((495 درهم ))
تتيح هذه التذكرة الاستخدام غير المحدود للألعاب والمرافق الترفيهية في مدينة عالم فيراري أبوظبي
عبر الممرّ السريع دون انتظار، بالإضافة إلى إمكانية الاستراحة في قاعة كبار الزوار.
ا>>التذكرة صالحة للدخول إلى المدينة مرة واحدة خلال فترة ستة أشهر من تاريخ الشراء.
تذكرة الدخول الممتازة للأطفال:: ((390 درهم))
تتيح هذه التذكرة الاستخدام غير المحدود للألعاب والمرافق الترفيهية في مدينة عالم فيراري أبوظبي
عبر الممرّ السريع دون انتظار، بالإضافة إلى إمكانية الاستراحة في قاعة كبار الزوار.>> التذكرة صالحة
للدخول إلى المدينة مرة واحدة خلال فترة ستة أشهر من تاريخ الشراء.
بطاقة الدخول الشاملة السنوية:: (( 1195 درهم ))
تتيح بطاقة الدخول الشاملة السنوية للزوار الذين يبلغ طولهم 150 سنتيمتراً وما فوق استخدام
جميع الألعاب والمرافق الترفيهية في عالم فيراري أبوظبي على مدار العام.
بطاقة الدخول الشاملة السنوية للأطفال:: ((795 درهم ))
تتيح بطاقة الدخول الشاملة السنوية للزوار الذين يقلّ طولهم عن 150 سنتيمتراً استخدام جميع
الألعاب والمرافق الترفيهية في عالم فيراري أبوظبي على مدار العام.
وبس ...
والحين بما انكم شفتوه
وعرفتوا أسعار التذاكر
وهذاهي
أخيراً لقينا
طبعاً أنا بروح مع ................ وبروحنا طبعاً لسببين
الاول // اننا مانبي عواذل
الثانيه // الاسعار غاليه ...
ترى ذا الجوال مولنا ...
يلا خلونا ندخل ونشوف شفيه
هذا المدخل واااااااااااي كانه مدري إيش
 زحمه يادنيا زحمه >> بس لاتخافون المكان كبير ويكفي
 مناظر وحرجه
 التصميم من داخل دقيق ومبدع بس يعور العين
 ذي حاطينها عند المدخل عشان يحرون قلووووب الاولاد
 وهالسيارتين طول الوقت يدورون
 إذا عديتو الاحمر تعتبرون ؟أنفسكم دخلتوا عالم فيراري رسمياً
ساعتها تقدرون تتفشخرون على كل البشر
الله حرجه أحس إني بتهاوش مع الناس على الالوان
تراها من أسرع الالعاب اللي هناك يعني الواحد عادي تنمصع رقبته
ويقولون إنها أسرع قطارموووووت بالعالم
وعشان تركبها لازم يكون طولك من130 إلى 195 م
>>>الطول مهم في ذا المكان
هيه لحظه انطروني
كان ودي أركب بس >>>اللعبه مليانه
هذي اللعبه تحوم الكبدوتجيب الماحي >>بطيئه
إذا معاك أحد مزعج ركبوه وكملوا لعب>>شرط ينام
هي فكرتها انك تتجول في مدينه ايطاليه وفيه مجسمات بيوت وشوارع والذي منه
طبعا كل هذا لانو مثل ماتعرفون ان شركة فيراري إيطاليه
وسوو هالشي حق ديرتهم >> فيهم الخير والله
لا لاتخافون للحين >>السيارات ماتطير الا بالافلام
إنها مجرد لعبه >>تراهم يشوفون
أكيد اهلك عندهم فلووووس>>> وأنتي شدخلك
حق الاهل اللي عندهم بزران نشبه >>يقدرون يركبونهم
 
هذا عند مدخل قسم المحلات والكوفي شوبز والحركات
اوه .. نسيت اقولكم إنها مو بس ألعاب
فيها محلات ومنتزهات ومطاعم وأشياء واجد >> اللي مفلس لايروح
ويبيعون كل شيء حتى الثياب
يعني اللي يروح لازم يجيب هدايا>>مصاريف والعياذ بالله
وهذا من المحلات اللي هناك
هذا محل نظارات
يبيعون مواعين >> حرجه
 محل للاطفال
 طبعا كل ذا للبيع
 حلاو فيراري
  وطبعا هنا المطاعم وعددها سته
 وهذ معرض لسيارات فيراري الجديده والقديمه >> عشان يذكرونكم انو لازم تشترون
لعبة سكودريا
هذي اللعبه تدفعون لها زياده ((75 ))
وهي عباره عن لعبه سباق بس مو أي سباق >>سباق بأجهزه وحلبه نفس اللي بالسباقات الحقيقيه
يعني سباق إفتراضي >>بس كأنه صج اللي ما يعرف يسوق من جد يتورط
عن طريق شاشات وتلبس أحزمه وأشياء واجد
وهذا هوو من داخل
زي كذا
 وهذي لعبة للبزران يسوقون ويوقفون ويسوون كل شي
 
تذكرون اللي مساع قلت لهم أنطروني
راحوا عني وهذاهم >>> اشوا أنهم راحو
وبس
كانت معكم >>> العضوه غير <<<< من أمام الكيبورد
الكنب
إلى اللقـــــــاء في مكان وموعد جديد [/b][/center] | |
|
ДĐόOόƮϔ
المساهمات : 63
تاريخ التسجيل : 11/02/2011
الموقع : ليس لي مكان الا الجلوس على البــحر
| | موضوع: رد: UAE }} أبوظبي {{ عالم فيراري }} الأربعاء أبريل 06, 2011 11:09 am | |
| أختي غأير. عسى ربي يوفقك يارب موضوعك نايس مررررررررررررررررررررررررررررررررررررررررررررررررررررهـ جد جد.؟ موضوع راااقى والصور تتكلم برووحها.>الى الامام | |
|
غيـــــــH90Hـــــــــر
المساهمات : 41
تاريخ التسجيل : 10/02/2011
العمر : 33
الموقع : الكره الارضيه
| | موضوع: رد: UAE }} أبوظبي {{ عالم فيراري }} الأربعاء أبريل 06, 2011 11:36 pm | |
| أخفي همومي ...
أشكر لك مرورك ...
ويارب أكون عند حسن الظن ... | |
|
سعد جمعه
المساهمات : 1
تاريخ التسجيل : 15/07/2011
| | موضوع: رد: UAE }} أبوظبي {{ عالم فيراري }} السبت يوليو 23, 2011 10:04 pm | |
| السلام عليكم ورحمة الله وبركاته صباح الورد مشكوره على الخبر والصور والابداع وياليت لو نشوف تقارير عن جميع البلدان وعن سفرات جميع الاعضاء لمى يسافرون ياليت  تقبلو مروري واحترامي دمتيم بود | |
|
ahoud696
المساهمات : 14
تاريخ التسجيل : 22/07/2011
| | موضوع: رد: UAE }} أبوظبي {{ عالم فيراري }} الثلاثاء يوليو 26, 2011 10:49 pm | |
| ششئ خطييييييييييييييييييييييييييييييير رؤعه بجـــــــــــــد الله يقؤيك ع مجهودك وتوني اعرف اشياء ماتوقعت تكون بعالم فراري خخخخخخ يسسلمو واترقب منك المزيد  | |
|
